Lana - LDR

أخر دخول: اليوم

---

في البداية اود ان اشكرك على رغبتك في التعرف علي و اليك بياناتي
اسمي Lana - LDR, انثى, وعمري 35 عاما , واود ان تعرف ان جنسيتي من سوريا, وانا اقيم في دولة الامارات, مدينة دبي, وعن حالتي الاجتماعية فأنا أنسة, وعن مهنتي فأنا استشارية خدمات مالية, اما مؤهلي العلمي فهو ماجيستير

---

اليك بيانات أخرى عني:

صبيّه صادقة وبسيطة، بعشق الوضوح والعمق بالحياة. بآمن بالزواج إنه يكون رحلة جميلة إذا كان مبني على التفاهم، الاحترام، والحب الحقيقي. بحب النقاشات العميقة، وبقدّر الشخص اللي عنده رؤية واضحة لحياته، واللي بيعرف شو بدو وبكون قائد حقيقي لشراكته معي. ما عندي وقت ضيّعه، حياتي ثمينة، وبفضّل قضاءها بعلاقة جدّية، مليانة انسجام وتقدير متبادل. الانجذاب العقلي قبل كل شي، الحياة بالنسبة إلي توازن بين الأخذ والعطاء. عندي قناعة إنه الشريك الصح ما لازم يكون مجرد جزء من حياتي، بل لازم يكون إضافة حقيقية إلها، يكون معي خطوة بخطوة، مو عبء أو مسؤولية إضافية. _______________________________________________ أنا شغوفة بكلشي مرتبط بالتنظيم والتخطيط والمنهجية. الفوضى وعدم الوضوح بيدبحوني لأنهم بعكّرو صفاء ذهني. محتاجه شخص يشاركني أفكاره و كل احتياجاتو و رغباتو بصدق وانفتاح، ويوصلها ل دماغي بلطف حتى أتقبلها و اتبنّاها و اعملها جزء مني. شريك يكون مرشد لي كما أكون له، بطريقة تبني الثقة والتفاهم العميق بيننا. _______________________________________ بتمنى إنجاب طفلين، لكن هالشي ما ح يصير إلا إذا كانت عندنا أسباب قوية ومدروسة بعناية لنعمل عيله. من لما كنت طفله، و انا مآمنه بحقي ب أمومة دافيه نتيجة قرار و عشق ما نتيجة لزواج مجرد التزام شكّلي لحدوث هالشي.. _______________________________________________ بهمني شوف صورك و إذا بنجذب ل شكلك - و بهمني جدا الطول ب الشب / الرجل - بتمنى من الله أجتمع ب شب طولو 190 سم أنا 173 سم و وزني 120 كج

---

معلومات عن النصف الاخر الذي ارغب فيه:

الصدق عن الذات و عن الشريكه المحتاجها.. الإحترام و التعامل ب دماسه و رجوله. الاستماع ب لطف و بعد نظر و حنيه.. الصدق و "الهفهفه" شغلتين ما بساوم عليهون. ____________________________________ بحلم بحب عميق ومتجدد، يكون ملجأ وسند بحياتي، شعور بالأمان والانتماء أكتر من مجرد علاقة تقليدية. بس بنفس الوقت بآمن ان الشورى افضل طريق لاستمرار العلاقة و راحة أطفالنا و جمال مستقبلهم، ب إذن الله. الزواج بالنسبة إلي التزام حقيقي وطريق بلا عودة، وما بدي غير شخص بيشوفه بنفس الجدية والمسؤولية. ____________________________________________________ أنو اجتمع ب رجل متعلم، ناجح (ب احساسو هوي ل ذاته ل نجاحه) ، يحترم ذاته وشريكته، ويؤمن بالعلاقة الجادة والالتزام مدى الحياة. اجتمع ب رجل يتمتع بالنزاهة والوعي والقدرة على القيادة بحكمة وشغف و عدل. والأهم، أن يكون لي دعم ب رحلتي للنمو والتطور، تماما متل ما ح كون ل إله ان شاء الله. _____________________________________ ما ببحث عن الكمال، بس ببحث عن شخص واعي، صادق، قادر على بناء علاقة قائمة على الاحترام المتبادل والتفاهم العميق. شخص بيقدّر الحب، بس كمان بيقدّر الشراكة كمسؤولية ثنائيه، مو دور مفروض على طرف دون الآخر. إذا بتشاركني نفس القيم، و عم تدّور ع حب صادق وشراكة حقيقية، يمكن يكون لقائنا بداية لشي مميّز. ___________________________________ بفضّل تكون متواجد ب دبي، الإمارات حصراً - أنا جدّيه ب نيتي لل زواج و ما بدي وقتي يضيع. التواصل عل موقع أولا ثم عل وتس فقط - و بعدها منرتب لقاء ب مكان عام إذا ربنا ألّف بيناتنا. __________________________________________ بظن مانو كتير على أي بنت تبعتلها رساله فيها ب "صدق" - حالتك الإجتماعية - و إذا عندك أطفال أو لأ. - تحصيلك العلمي. - لمحه صغيره عن أوضاعك المادّيه. ب كل الأحوال - أنا ما بقبل غير ب زواج ع سنة الله و رسوله و يكون عندك نية الإنجاب - و ما بقبل بال تعدد، ف إذا متزوج أو منفصل - رجاء وفّر عليي الحديث من الأساس. فقط عازب أو مطلق (طلاق نظامي). و ربنا يكتب الخير ل إلنا جميع و يقرّبنا ل مصالحنا بال دنيي و الآخره. ____________________________ رجاءً اذا انتا من اللي بيستخدمو الفلاتر أو السناب تشات، رجاءً ما تضيع وقتي ولا وقتك.. ما معقول شو هالشي الغريب هاد تبع الفلاتر و شو هل برنامج الغريب لل حديث ب موضوع إرتباط و زواج.