Lana - LDR

أخر دخول: 3 يوماً

---

في البداية اود ان اشكرك على رغبتك في التعرف علي و اليك بياناتي
اسمي Lana - LDR, انثى, وعمري 35 عاما , واود ان تعرف ان جنسيتي من سوريا, وانا اقيم في دولة الامارات, مدينة دبي, وعن حالتي الاجتماعية فأنا أنسة, وعن مهنتي فأنا استشارية خدمات مالية, اما مؤهلي العلمي فهو ماجيستير

---

اليك بيانات أخرى عني:

صبيّة صادقة وبسيطة، بحب الحياة الواضحة، العميقة، والمرتّبة. ما سبق تزوّجت و ما بضيّع وقتي بعلاقات سطحية، وبآمن إنو الزواج شراكة حقيقية مبنية على التفاهم، الاحترام، والحب الصادق اللي بيتولّد من الموده و الرحمه من بعد الزواج. --------------------- بحب النقاشات العميقة، وبقدّر الشب/الرجل اللي بيعرف شو بدو، وبيكون قائد بشراكه مبنيه على الوعي والمحبّة. الانجذاب العقلي عندي أساس، وما بقدّم أكتر مما باخد. الحياة بالنسبة إلي توازن، والشريك الصح هو اللي بيكون سند، مو عبء. ----------------- بحلم بحب خرافي، دافي ومتجدد، فيه طمأنينة، شورى، وتفاهم. بآمن إنو الزواج التزام جدّي وطريق بلا رجعة، وبس بقبل بشخص بيشوفه بنفس النظرة. ---------- أنا 173 سم، ووزني 120 كغ، وبتمنى يكون شريكي طويل (186 سم أو أكثر) و شكله و مُحيّاه مريح لإلي – من دون فلاتر أو خداع بصري. النظافة والاهتمام بالنفس والبيت مهمين جداً بالنسبة إلي، وبحب عيش ببيئة مرتّبة ومريحة، بعيد عن الشرشحة أو الفوضى. ------------- الإنجاب؟ بحلم كون أم لطفلين، بس مو بأي ظرف. الطفل - إذا ربي كرم - لازم يجي من شراكه حقيقية وناضجة. ما رح وافق خلّف إلا نتيجة قرار مشترك ومدروس، وفيه أسباب واقعية ووعي بمسؤولية تأسيس عيلة. ------------------ بحب التنظيم والتخطيط، وبتضايق من العشوائيه و التخبّط. بحتاج شخص يشاركني أفكارو واحتياجاته كامله بصدق، ويوصلها إلي بلطف وانفتاح، حتى أقدر أتبنّاها وأحتضنها. بعرف كون مرشدة وسند، وبنتظر نفس الشي من شريكي.

---

معلومات عن النصف الاخر الذي ارغب فيه:

بخصّ الشريك اللي ببحث عنه: قائد، حنون، راق، بيخاف الله، وبيعرف يحترم شريكتو ----- ناجح، وبيشوف النجاح إحساس داخلي مو بس مظاهر -------- بيعرف يسمع، و بيتعامل بلطافة وبعد نظر و دماثه - معي و مع محيطنا ------- نضيف و مرتب، وبيقدّر تفاصيل الراحة و الهفهفه ب بيت الزّوجية ----- بيؤمن بالحب، بس كمان بالشراكة كمسؤولية ثنائية ----------------------- شروطي واضحة ومحترمة - رجاء تحترمها: ---- فقط أعزب أو مطلّق طلاق رسمي. لا بقبل بالتعدد ولا بالتواصل مع رجال متزوجين أو منفصلين. ------- لازم تكون نيتك حصراً زواج على سنّة الله ورسوله، وفي نية للإنجاب. ------ التواصل بالبداية عبر الموقع فقط، وبعدين واتساب إذا في قبول، وبعدها منرتّب لقاء بمكان عام بإذن الله. ---------- يفضّل تكون مقيم بدبي أو بالإمارات عموما فقط. -------- ملاحظات صغيرة بصراحة ومحبة: ---- رجاءً، ما تبعتلي صور بفلتر، ولا تطلب نتواصل سناب شات. ------ و ياريت تكون رسالتك الأولى فيها: حالتك الاجتماعية، إذا عندك أولاد، طولك، تحصيلك العلمي، ولمحة صغيرة عن وضعك المهني او المادي. -------- الله يكتب الخير إلنا جميعا، ويقربنا من اللي فيه صلاحنا بالدنيا والآخرة. 🌿